Rannpháirtíocht an Phobail
Is cuid thábhachtach é rannpháirtíocht fhoirmiúil an phobail d’fhorbairt an tionscadail, agus molaimid duit a bheith páirteach. Táimid ag obair le pobail áitiúla agus le páirtithe leasmhara chun aiseolas a bhailiú, rud a chabhróidh linn pleananna agus dearaí deiridh an tionscadail a bheachtú.
Is céim bhunriachtanach í seo chun a áirithiú go gcomhlíonann an tioscadal a gcuid ceanglas comhshaoil agus dlí agus a gcuid ceanglas sóisialta. Agus muid ag dul ar aghaidh sa chéim seo chuig na céimeanna deartha mhionsonraithe, tógála agus coimisiúnaithe, déanfaimid cumarsáid oscailte leis an bpobal agus le páirtithe leasmhara agus cloífimid leis na treoirlínte is gá chun a áirithiú go mbeidh rath ar an tionscadal.
Cosnaíonn Coinbhinsiún Aarhus ceart gach duine chun maireachtáil i dtimpeallacht shláintiúil agus ráthaíonn sé trí phríomhcheart don phobal maidir le saincheisteanna comhshaoil:
Rochtain ar fhaisnéis – an ceart chun rochtain a fháil ar fhaisnéis a bhaineann leis an gcomhshaol atá i seilbh na n-údarás poiblí.
Rannpháirtíocht an phobail – an ceart chun bheith rannpháirteach i ndéanamh cinntí maidir leis an gcomhshaol.
Rochtain ar an gceartas – an ceart chun rochtain a fháil ar an gceartas.
Tagraíonn Rannpháirtíocht an Phobail do na sásraí éagsúla a thugann deiseanna don phobal teacht ar an eolas agus chun tuairimí a chur in iúl.
Cuireadh tús le clár cuimsitheach imeachtaí rannpháirtíochta poiblí i bhFómhar 2024 agus leanfar leis in 2025. Féach an tEolas Is Déanaí Faoin Tionscadal.
Mar chuid dár gcur chuige, cuirimid fáilte roimh aiseolas ón bpobal agus ó pháirtithe leasmhara.
Céim Chomhairliúcháin um Dhearadh Coincheapa Hidreafhuinneamh Bhéal Átha Gabhann
(Ar oscailt 16 Bealtaine - 27 Meitheamh 2025)
Seo foirm Hidrea-Thuairimí Bhéal Átha Gabhann.
Is cóip chlóite é seo den fhoirm Tuairimí. Más mian leat an fhoirm a chomhlánú ar líne, scanadh an cód QR le do thoil nó lean an nasc seo thíos.
Go raibh maith agat as an am a ghlacadh lena chríochnú agus táimid ag tnúth le do thuairimí a léamh.
Ócáid Faisnéise Poiblí – Céim 2 Taispeántas Coincheapa
(Oscailte 16 Bealtaine - 27 Meitheamh 2025)
3 - 8pm Dé hAoine 6 & 12 - 4pm Dé Sathairn 7 Meitheamh 2025, Hickey’s Lounge, Béal Átha Gabhann. Tá lúcháir orainn an coincheap dearaidh do Stáisiún Cumhachta Hidrileictreach Bhéal Átha Gabhann a thabhairt isteach, ag míniú cad é atá ann, cén fáth go bhfuil sé tábhachtach, conas a oibreoidh sé, agus conas a d’fhéadfadh sé dul i bhfeidhm ar an timpeallacht timpeall air agus ar an bpobal a chónaíonn in aice láimhe.
Le haghaidh tuilleadh eolais, déan teagmháil lenár nOifigeach Idirchaidrimh Pobail, Laura, le do thoil ag: lmcsherry@sigahydro.com
Baineann an t-imeacht poiblí seo le heolas a sholáthar agus le haiseolas a fháil ó pháirtithe leasmhara agus ón bpobal ar na príomh-shaincheisteanna deartha agus forbartha agus dúshláin nach mór aghaidh a thabhairt orthu. Cuirfear tuairimí ar an taispeántas coincheapa ar ais chuig foireann deartha an tionscadail chun eolas a thabhairt d'ullmhú an phríomhthaispeántais dearaidh. Ba cheart tuairimí faoin gcéad taispeántas a chur isteach roimh an 27 Meitheamh 2025.
Bróisiúr Tionscadail
Boird Taispeántais
